ངག་རྩལ་འགྲན་བསྡུར་གྱི་སྐོར།

འདི་ལོར་ཡང་ཕྱི་ཟླ་༥ ཚེས་༢༢ ཉིན་རང་རེའི་སློབ་མ་རྣམས་ངག་གི་སྨྲ་བརྗོད་ནུས་རྩལ་མཐོར་འདེགས་སུ་འགྲོ་ཆེད་བོད་སྐད་ངག་རྩལ་འགྲན་བསྡུར་ཐེངས་གཅིག་བྱས་ཡོད། དེ་ཡང་བོད་དགེ་རྣམས་ཀྱིས་འགན་འཁུར་རྐང་བཞེས་ཀྱིས་བདུན་ཕྲག་གསུམ་གྱི་གོང་ནས་སྙན་ཚིག་དང༌། གསུང་བཤད། གཏམ་བརྗོད་བཅས་བརྗོད་གཞི་གསུམ་གྱི་ཐོག་སློབ་མ་ཡོངས་ལ་འཛུལ་བཞུགས་ཆེད་སྦྱོང་གི་གོ་སྐབས་ཕུལ་རྗེས། དེ་དག་གི་ཁྲོད་ནས་སློབ་མ་རྩེ་ཕུད་༡༥ བདམས་ནས་བོད་སྐད་ངག་རྩལ་ལས་འགུལ་སྔར་ལྷག་སྤེལ་ཐུབ་པ་བྱུང་ཡོད།